​Faly miarahaba antsika lehihaly kristiana eto amin`ny FJKM……., Ampitomboina aminareo mandrakariva anie ny fahasoavana amam-piadanana avy amin`Andriamanitra Ray sy Jesoa Kristy Tompo.  Inona  moa no lohahevitra banjin`ny FJKM amin`ity volana ity ? ndeha hiarantsika mamaky. … ‘’Manorina ny fifampitokisana ny marina’’.  Lohahevitra  sarobidy tokony ho trandrahana  amin`izao vanimpotoana  mampivahavaha be ihany ny fifandraisana  eto amin`ny firenena tokoa izany . hampiorenantsika ny hafatra  anio aza dia  ilay fanoharana momba ny talenta  voasoratra ao amin`ny bokin`I Matio toko 25: 14-30. Fanoharana ahitana ny  fifampitokisana amin`ny Tompo mahatoky  sy ny Mpanompo mahatoky . Ahoana  ireo endrika isehoan`izany ? Omentsika lohahevitra ity  manao hoe lehilahy mahatoky  , mifampatoky. atokisan`ny Tompony

​1-Mifampatoky eo amin`ny fampiasana ny vola ;
Endrika iray anehoana ny fifapitokisana  dia fampiasana ny vola
Andaniny dia  ambaran`ny  fanoharana  (and .14) fa  vola  mitontaly Talenta 8  no napetraky ny Tompo amin`ireo mpiasa. Vola be tsy takatry ny saina tokoa izany. Ny talenta ry Havana ,dia tsy vola vy akory  fa vongana  volafotsy na volamena , vola be izany satria ny  Talenta 1 dia mitovy sanda amin` ny denaria 2000 . Kanefa ny denaria iray dia karama`olona iray  indray andro. Izany hoe raha  atontaly  dia karaman`olona iray mandritra ny  16000 andro.  Sahin`ny Tompony napetraka hampiasaina izany noho`ny  fahatokisany.
Ankilany kosa, ambaran`ny fanoharana  fa   ny  roa tamin`ireo mpiasa mahatoky  dia nahatakatra tsara ny tian`ny tompony ambara ka nampitombo izany araka izay azony natao. Napetrany tamin`ny varotra izany ka nahazoany  tombony  avo roa heny.
Ny Tompo eto ry Havana dia tsy iza fa Jesoa. Ireo mpanompo kosa dia isika kristiana. Mahatoky antsika ny Tompo  ka endrey,tsy mampanino azy ny mametraka talenta maro be tsy hita pesimpesina  ny sandany. Tiany ampiasaina izany fa tsy tehirizina fotsiny.
Fampiharana
Ry rahalahy,    nomena   talenta hianao : vola, saina matsilo, fahakingan-tanana, heritsandry, taona maro hahavelomana   sns  harena sarobidy  nomena anao izany. Takatrao ve ny antony nanomezana azy ? ampitoboina izany hoe ampiasaina.  Hahazoana tombony. Izao anefa,  eto an-tany no ampiasaina  izany Tombony izany, ary amin`ny fahavelomantsika , Ireo mpiarabelona aminao no tian`ny Tompo higoka izany. Hoy ity  mpampianatra iray eny amin`ny oniversite ity. `` mahafaly ahy ny mizara   ny fahaizako  manontolo amin`ny mpianatro,  hanasoavany ny ho aviny sy ny fireneko , Ny fantatro fa rehefa maty aho dia levona any am-pasana koa ny  fahalalako. Ry rahalahy mahatoky anao Jesoa, Tsarovy fa ialain`ny Tompo ny talentanao . Ka raha samy ho faty ihany aleo  mamela mamy toy ny renin-tantely.



2-Mifampatoky  eo amin`ny fomba anantanterahana ny asa

Tsy ny  asa vita ihany no hitarafana ny fifampitokisana , fa ny fomba nanatanterahana azy koa.
Andaniny , Ambaran`ny tenin`Andriamanitra , ry Havana fa mahatoky ilay Tompo , fa dia lasa izy and. 15  izany hoe  tsy  ho eo aza . nefa dia ireo mpiasany  hiasa tsy tapaka . Ny fotoana tsy nahateo ny Tompo ry Havana dia ilay fotoana  nanomboka teo amin`ny niakarany any an-danitra ary ny fotoana fiverenany hitsara izao tontolo izao .
 

​Lesona roa  mazava tsara no azo tsoahina  amin`izany . Ny voalohany dia ny hoe ;Ny mpanompo mahatoky tsy andrasana sy arahi-maso vao manao ny asany.

Faharoa , ny mpanompo mahatoky  dia mahay manararaotra ny fotoana  omena mba hanantanterahana  ny asany.``niaraka tamin`izay`` hoy ny andininy faha 16, fa tsy niandry rahampitso. Ny hahafaly ny Tompony no nahamaika azy ka endre fa Dodona izay tsy izy izy roa  voalohany handeha amin`ny asa  nanirahana azy.
Fa  ambonin`izany rehetra izany  dia ny toetra  feno fanetre-tena sy  fitiavana  nanan`ireto mpiasa mahatoky . Tsy mitovy ny fizarana ny talenta ``ny  sasany nomena 5,  ny sasany 2, ny sasany 1. Ny  roa tamin`ireto mpiasa  izay tena mahatoky dia tsy mba nihevitra ny tompony ho mpanambaka toy ilay fahatelo  ka hilaza fa ``Tompo mila voatsiary e…, mijinja amin`izay tsy namafazany…. na manangona amin`izay tsy nanahany …`` na koa nihevitra ny Tompony ho biby fampitahorana `` dia natahotra aho  ka nandevina ny talenta  ary tsy niasa fa namerina main any  talenta napetraka taminy (and 25).
Ny mpanompo  mahatoky manao ny asany noho ny fitiavana fa tsy noho ny tahotra.  Ny mpanompo mahatoky entanin`ny fitiava ka sahy  manao  sorona hoan`ny tompony.



​Fampiharana ;

Ry rahalahy, dia   ho sahintsika  ve sanatria  ny hiteny ratsy  ny tompotsika . ho   Tompo mila voa tsiary, mpanambaka antsika va  satria  mametraka    andraikitra maro be amintsika , mandany fotoanantsika ka miafara indraindray  amin`ny fanadinoana ny ankohonana.  Satria mitaky tompo mitaky isan`andro vaky izao  ny vola  hanaovana ny asany , ka lazaintsika fa mahavaky tratra tsy maha-te hiditra am-piangonana
Ny apostoly paoly dia mihevitra fa zava-dehibe  amin`ny fiainany manontolo I Jesoa. Hoy izy ``Fa tsy izaho intsony no velona fa Kristy no velona ato anatiko``. Inona no avalintsika noho ny soa rehetra nataony  tamintsika.  Adinontsika fa fitiavana lehibe no namonjena antsika  ka nanomezana antsika  ny zanak`Andriamanitra  Endrey izany nanaiky hisolo heloka antsika ka nanaiky ho nampijaliana sy ho faty teo amin`ny toerana misy antsika. Aza  adino fa vokatry izany dia nomena  antsika ny Fiainana mandrakizay, inona no havalintsika ny Tompotsika ,  Rehefa manao ny asan`ny Tompo isika   dia izao no lazaintsika. Ataoko ity satria tiako ny Tompoko, ataoko ity tsy noho ny tahotra  ataoky ity tsy baikona na terena ho voninahitry ny Tompoko .