top of page

1. NY LALANA NODIAVINA NAHAZOANA NY MPITANDRINA

• 1863-1896 : ANDRIAMPIRY Mpitandrina, nodimbiasan’i RAINIARIVO ilay Mpitandrina nitarika ny fanorenana ny Trano Fiangonana biriky

• 1896-1898 : Ny Loholona RAINIMANGA sy RAINIALISERA

• 1898-1908 : Ny Mpitandrina RAINIBEGODONA

• 1909-1926 : Ny Mpitandrina RALAY

• 1927-1929 : Ny Mpitandrina RAFARALAHY

• 1931-1961 : Niverina ny Mpitandrina RALAY

• 1961-1962 : Ny Loholona RAZAFIMBELO na i DADAZAFY nampian’ireo Diakona namany

• 1962-1985 : N y Mpitandrina RAKOTOVAHOAKA Paul

• 1987-1991 : Ny Mpitandrina ANDRIANJAFY

• 1991-1992 : Ny Mpitandrina mpiana-draharaha RAKOTONIRAINY Rivonanahary.

20 taona niarahana niasa​

Feno 20 taona katroka amin’ity volana Oktobra  2012 ity tokoa mantsy ny fiaraha-miasan’ny Mpitandrina Randrianarisoa Satarivony mianakavy sy ny Fiangonana teto Mahazoarivo. Mifanandrify amin’ny faha-20 taona nivoahany ny toeram-panomanana izany.
Raha tsiahivina fohifohy ny tantara,  20 taona lasa izay  nandalo fahasahiranana ny fianam-panahy teto amin’ny Fiangonana Mahazoarivo noho ny tsy nisian’ny Mpitandrina raikitra nandritra ny herintaona mahery  fa dia Mpitandrina mpiana-draharaha no nitondra ny Fiangonana.
Naniry fatratra ny mba hanana Mpitandrina raikitra, vita fianarana ambony avy amin’ny Faculté de Théologie ny Fiangonana teto Mahazoarivo. Niezaka  tokoa ireo Biraom-piangonana tamin’izany fotoana izany  nanao ny fangatahana sy nitondra ny fanirian’ny mpiangona tamin’ny fitondrana teo anivon’ny Synodam-paritany Avaratr’Andohalo. Tsy zava-mora mihitsy anefa ny  fahazahoana Mpitandrina raikitra tamin’izany fotoana izany satria teo ny fahavitsian’ireo Mpitandrina nivoaka avy teny amin’ny Faculté, teo koa ny fanahian’ny Synodamparitany ny amin’ny hoe mety tsy  hahazakan’ny Fiangonana izany Mpitandrina mivoaka ny Faculté de Théologie izany.
Kanefa dia niezaka mafy ny nandresy lahatra ary nanome toky ny teo anivon’ny SP ny Biraom-piangonana teto Mahazoarivo, ka na dia Mpitandrina roa monja ihany aza  no anjaran’ny SP Avaratr’Andohalo tamin’ireo Mpitandrina nahavita fianarana tamin’ny volana Aogositra 1992 dia nampisaotra an’Andriamanitra lehibe fa dia anisan’ny nahazo iray tamin’izy ireo ny Fiangonana.
Raha ny marina dia nasaina nisafidy tamin’ny anaran’ireo Mpitandrina roa ireo  ny Biraon’ny Fiangonana, safidy  tsy nifanitri-maso akory na nahita sary, fa safidy niantefa tamin’ilay anarana malagasy ranoray  dia ny mpitandrina RANDRIANARISOA Satarivony izany.
Ny Alahady faha-04 Oktobra 1992 no naseho teto amin’ny Fiangonana voalohany izy ireo. Ny Mpitandrina RABE François sy Atoa RAZAFIMAHEFA Marcel samy tao anatin’ny Birao SP no nanolotra azy ireo tamin’izany.
Dibo-kafaliana  tokoa ny Fiangonana  satria tanteraka ny faniriana nahazo Mpitandrina raikitra , sady Mpitandrina vao tanora herotrerony,  no Mpitandrina nanapahaizana tokoa
Ny Asabotsy 23 sy ny Alahady 24 Novambra 1996 kosa izy  no noraisain-tanana teto amin’ny Fiangonana Mahazoarivo, ary tamin’io fotoana io koa no nanokanana azy ho Mpitandrina.

Tamin’ny andron’ny mpanjaka Radama II, ny taona 1863 no notokanana ny  trano fiangonana teto  Mahazoarivo, mbola trano zozoro izany tany am-piandohana ary zanam-piangonana Ambavahadimitafo  no rafitra nisy azy, ka ny misionera nifandimby tao Ambavahadimitafo no nitsidika sy namangy ny zana-piangonany. Na izany aza dia nanana Mpitandrina, Loholona ary Diakona ho azy manokana ny Fiangonana.
Amim-panajana no hahatsiarovana ireo Mpitandrina sy Ray aman-dreny  rehetra nifandimby nametraka ny dian-tany teo amin’ny fitaizana ny  Fiangonana Mahazoarivo

Tantara fohy ...

• NY MPITANDRINA RANDRIANARISOA  Satarivony

Volana Oktobra 1992 – Hatramin’izao

• NY MPITANDRINA RANDRIANARISOA  Satarivony

bottom of page